(١٣٥٨٦) حضرت اسید بن حضیر سے روایت ہے کہ ایک انصاری ایک دن لوگوں کو مزاح والی باتیں کر کے ہنسا رہا تھا تو نبی (صلی اللہ علیہ وآلہ وسلم) نے لکڑی کے ساتھ اس کے پہلو میں چوکا لگایا تو اس نے کہا : میں اس پر ڈٹا رہوں ؟ آپ (صلی اللہ علیہ وآلہ وسلم) نے فرمایا : بدلہ لے لے، اس نے کہا : آپ کے بدن پر قمیص ہے اور میرا بدن بغیر قمیص کے تھا، آپ (صلی اللہ علیہ وآلہ وسلم) نے قمیص اٹھا دی تو اس نے آپ کو پکڑ لیا اور آپ کے پہلو کو چومنے لگا اور کہا : اے اللہ کے رسول ! میرا تو صرف یہی (آپ کا بدن چومنے کا) ارادہ تھا۔