(١٣٦٠٤) عباس بن محمد فرماتے ہیں کہ میں نے یحییٰ بن معین کو اس روایت کے متعلق کہتے ہوئے سنا ” لاَ نِکَاحَ إِلاَّ بِوَلِیٍّ “ جس کو ابن جریج نے روایت کیا ہے۔ میں نے ان سے کہا کہ ابن جریج اس کو روایت کرتا ہے، ابن جریج نے کہا : میں نے امام زہری (رح) سے سوال کیا تو انھوں نے کہا : مجھے یاد نہیں۔ یحییٰ بن معین نے کہا : یہ بات صرف ابن علیہ بیان کرتا ہے۔ ابن علیہ نے ابن جریج کی کتابیں عبدالحمید بن عبدالعزیز بن ابوداؤد پر پیش کیں تو انھوں نے درست قرار دیا۔ میں نے یحییٰ بن معین سے کہا کہ میرا گمان ہے، عبدالمجید نے اس طرح کہا ہے تو انھوں نے کہا : وہ عبدالمجید ابن جریج کی روایت کو زیادہ جانتے والے تھے لیکن انھوں نے حصول حدیث کے لیے کوئی زیادہ محنت نہیں کی۔