(١٣٦٦٥) سیدنا عبداللہ بن عمر (رض) نے منگنی کا پیغام نعیم بن عبداللہ کی طرف بھیجا اور اسے نحام کہا جاتا تھا اور وہ بنی عدی کا ایک فرد تھا۔ اس کی ایک کنواری بیٹی تھی تو نعیم نے اس سے کہا : میری زیر پرورش ایک یتیم لڑکا ہے اور میرے بعد اس کا کوئی وارث بھی نہیں۔ نعیم کی بیوی رسول اللہ (صلی اللہ علیہ وآلہ وسلم) کے پاس گئیں اور کہا : ابن عمر نے میرے بیٹی کے ساتھ نکاح کا پیغام بھیجا تو نعیم نے اس کا انکار کردیا اور وہ اس کا نکاح اپنے زیر پرورش یتیم لڑکے سے کرنا چاہتا ہے۔ اس عورت نے تمام واقعہ رسول اللہ (صلی اللہ علیہ وآلہ وسلم) کو بتلایا اور اس کو نعیم کی طرف بھیجا تو نبی (صلی اللہ علیہ وآلہ وسلم) نے فرمایا : اپنی بیوی کی رضا اور اپنی بیٹی کی رضا دیکھو۔