(١٣٦٨٨) سیدنا ابن عباس (رض) سے روایت ہے کہ ایک عورت کا خاوند فوت ہوگیا، اس کا ایک لڑکا تھا۔ لڑکے کے چچا نے اس عورت سے منگنی کا پیغام اس کے والد کی طرف بھیجا کہ تو اس کی شادی مجھ سے کر دے تو اس نے انکار کردیا، اس نے اس عورت کی شادی اس کی رضا مندی کے بغیر کردی تو وہ عورت نبی (صلی اللہ علیہ وآلہ وسلم) کے پاس آئی اور سارا واقعہ ذکر کیا، نبی (صلی اللہ علیہ وآلہ وسلم) نے اس کی طرف آدمی بھیجا پھر کہا : کیا تو نے اس کی شادی اس کے بیٹے کے چچا کے علاوہ کسی اور سے کردی۔ اس نے کہا : جی ہاں، میں نے اس کی شادی اس کے بیٹے کے چچا سے بہتر لڑکے سے کردی تو رسول اللہ (صلی اللہ علیہ وآلہ وسلم) نے دونوں میں تفریق کردی اور اس کے بیٹے کے چچا سے اس کی شادی کردی۔