(١٣٦٩٧) سیدنا ابن عباس (رض) سے روایت ہے کہ عمارہ بنت حمزہ بن عبدالمطلب مکہ میں تھیں اور رسول اللہ (صلی اللہ علیہ وآلہ وسلم) عمرہ قضا کے لیے تشریف لائے۔ سیدنا علی بن ابوطالب (رض) اس کو لے کر آئے اور نبی (صلی اللہ علیہ وآلہ وسلم) سے کہا : ان سے شادی کرلو تو آپ (صلی اللہ علیہ وآلہ وسلم) نے فرمایا : یہ میرے بھائی کی رضاعی بیٹی ہے۔ پھر رسول اللہ (صلی اللہ علیہ وآلہ وسلم) نے اس کی شادی سلمہ بن ابوسلمہ (رض) سے کردی۔ نبی (صلی اللہ علیہ وآلہ وسلم) کہا کرتے تھے : کیا میں نے سلمہ کو (اچھا) بدلہ دے دیا۔