(١٣٨٢١) حضرت سہل بن سعد فرماتے ہیں کہ ایک عورت نبی (صلی اللہ علیہ وآلہ وسلم) کے پاس آئی۔ اس نے حدیث ذکر کی۔ اس میں ہے کہ آپ (صلی اللہ علیہ وآلہ وسلم) کے صحابہ میں سے ایک آدمی کھڑا ہوا۔ اس نے کہا : اے اللہ کے رسول ! اگر آپ کو ضرورت نہ ہو تو میرے ساتھ نکاح کردیں، اس کے آخر میں ہے کہ میں نے تجھے اس کا مالک بنادیا ہے اس قرآن کے عوض جو تیرے پاس موجود ہے (یعنی تجھے یاد ہے اسے بھی یاد کروا دینا) ۔
(ب) حضرت سہل بن سعد (رض) نبی (صلی اللہ علیہ وآلہ وسلم) سے منقول اس حدیث میں فرماتے ہیں کہ آپ (صلی اللہ علیہ وآلہ وسلم) نے فرمایا : میں نے تجھے اس کا مالک بنادیا ہے اس کے بدلے جو تیرے ساتھ قرآن ہے۔ پھر کہا : یہ حدیث ابن ابی حازم کی ہے۔