(١٣٨٣١) حضرت عبداللہ بن مسعود (رض) فرماتے ہیں کہ رسول اللہ ہمیں تشھد اور خطبہ اس طرح سکھاتے تھے جیسے قرآن کی کوئی سورة۔ بدن اور مالی عبادتیں اللہ کے لیے ہیں۔ اے نبی (صلی اللہ علیہ وآلہ وسلم) ! آپ پر سلامتی، اللہ کی رحمت و برکات ہو، ہمارے اوپر اور اللہ کے نیک بندوں پر بھی سلامتی ہو۔ میں گواہی دیتا ہوں کہ اللہ کے علاوہ کوئی معبود نہیں اور محمد اللہ کے بندے اور رسول ہیں اور خطبہ، تمام تعریفیں اللہ کے لیے ہیں، ہم اس کی حمد کرتے ہیں، ہم اس سے مدد و استغفار طلب کرتے ہیں، میں گواہی دیتا ہوں کہ اللہ کے علاوہ کوئی معبود نہیں اور محمد (صلی اللہ علیہ وآلہ وسلم) اللہ کے بندے اور رسول ہیں { وَ اتَّقُوا اللّٰہَ الَّذِیْ تَسَآئَ لُوْنَ بِہٖ وَ الْاَرْحَامَ اِنَّ اللّٰہَ کَانَ عَلَیْکُمْ رَقِیْبًا ۔ } [النساء ١] ” اور اللہ سے ڈرو جس کا واسطہ دے کر تم رشتہ داریوں کا سوال کرتے ہو۔ بیشک اللہ تمہارے اوپر نگہبان ہے۔ “ { یٰٓاَیُّھَا الَّذِیْنَ اٰمَنُوا اتَّقُوا اللّٰہَ وَ قُوْلُوْا قَوْلًا سَدِیْدًا ۔ } [الاحزاب ٧٠] ” اے لوگو ! جو ایمان لائے ہو اللہ سے ڈر جاؤ اور درست بات کہو “ { یُصْلِحْ لَکُمْ اَعْمَالَکُمْ وَ یَغْفِرْلَکُمْ ذُنُوْبَکُمْ وَ مَنْ یُّطِعِ اللّٰہَ وَ رَسُوْلَہٗ فَقَدْ فَازَ فَوْزًا عَظِیْمًا ۔ } [الاحزاب ٧١] ” تاکہ وہ تمہارے اعمال درست کر دے اور تمہارے گناہ معاف کر دے اور جس نے اللہ اور رسول کی اطاعت کی اس نے بہت بڑی کامیابی حاصل کرلی۔ “