(١٣٨٤٣) حضرت عائشہ (رض) فرماتی ہیں کہ رسول اللہ (صلی اللہ علیہ وآلہ وسلم) نے مجھ سے نکاح ٦ برس کی عمر میں کیا اور ہم مدینہ میں بنو حارث بن خزرج کے ہاں ٹھہرے۔ میں تھک چکی تھی، میرے بال بکھرے ہوئے تھے تو میں نے اپنے بال سنوارے، میری والدہ ام رومان آئیں اور میں اپنی سہیلوں کے ساتھ جھولے میں تھی۔ انھوں نے مجھے بلایا، میں ان کے پاس آئی، مجھے معلوم نہ تھا ان کا کیا ارادہ ہے، انھوں نے مجھے پکڑ کر گھر کی دہلیز پر کھڑا کردیا اور تھکاوٹ کی وجہ سے میرا سانس پھول رہا تھا۔ پھر انھوں نے پانی کے مانند کوئی چیز لے کر میرے سر اور چہرے پر ملی۔ پھر مجھے گھر میں داخل کردیا۔ اچانک گھر میں انصار کی عورتیں تھیں۔ انھوں نے کہا : آپ پر خیر و برکت ہو۔ پھر میری والدہ نے مجھے ان کے سپرد کردیا۔ انھوں نے میری حالت کو سنوارا۔ پھر چاشت کے وقت رسول اللہ (صلی اللہ علیہ وآلہ وسلم) مجھے دکھائی دیے تو ان عورتوں نے مجھے آپ (صلی اللہ علیہ وآلہ وسلم) کے سپرد کردیا، اس وقت میری عمر نو برس کی تھی۔