(١٤٠٤٩) سالم حضرت عبداللہ بن عمر (رض) سے نقل فرماتے ہیں کہ غیلان بن سلمہ ثقفی اسلام لایا تو اس کے نکاح میں ٩ عورتیں تھیں، نبی (صلی اللہ علیہ وآلہ وسلم) نے فرمایا چار کا انتخاب کرلو۔
(ب) سرار بن محشر فرماتے ہیں کہ غیلان بن سلمہ ثقفی نے اسلام قبول کیا تو اس کے نکاح میں دس عورتیں تھیں، جو اس کے ساتھ ہی مسلمان ہوگئی اور ابن ناجیہ نے اپنی روایت میں اضافہ کیا ہے کہ حضرت عمر (رض) کے دور میں اس نے طلاق دی اور ان کو مال تقسیم کیا تو حضرت عمر (رض) نے فرمایا : تو اپنے مال اور عورتوں میں واپس پلٹ یا میں تیری قبر کو رجم کروں گا، جیسے ابو رغال کی قبر کو رجم کیا گیا۔