(١٤٠٦٤) ابن شہاب فرماتے ہیں کہ ام حکیم بنت حارث بن ہشام عکرمہ بن ابی جہل کے نکاح میں تھی، انھوں نے فتح مکہ کے موقع پر اسلام قبول کیا اور ان کے خاوند یمن کی طرف بھاگ گئے تو ام حکیم نے یمن جا کر اس کو اسلام کی دعوت دی تو وہ مسلمان ہوگیا، جب وہ رسول اللہ (صلی اللہ علیہ وآلہ وسلم) کے پاس عام الفتح کے موقع پر آئے تو رسول اللہ (صلی اللہ علیہ وآلہ وسلم) اس کو خوشی سے ملے۔ آپ پر چادر بھی نہ تھی تو آپ (صلی اللہ علیہ وآلہ وسلم) نے ان دونوں (میاں، بیوی) کو اسی نکاح میں باقی رکھا۔