(١٤٠٩٦) ابوعبید حضرت حسن کی حدیث میں کہتے ہیں کہ ایک شخص اپنی بیوی سے مجامعت کرتا ہے اور دوسری سنتی ہے، فرماتے ہیں : وہ مخفی آواز کو بھی ناپسند کرتے تھے اور بعض میں تو اتنی کراہت بیان کی گئی ہے کہ بچہ اپنے جھولے میں بھی نہ سنے۔
(ب) ابن عباس (رض) کی حدیث میں ہے کہ وہ اپنی دو لونڈیوں کے درمیان میں سوتے۔
(ج) عکرمہ حضرت عبداللہ بن عباس (رض) سے نقل فرماتے ہیں کہ وہ اپنی دو لونڈیوں کے درمیان سوتے۔ ابو عبید کہتے ہیں : یہ صرف سونے کی حالت ہے جماع کی نہیں۔