(١٤١٦٤) عروہ بن زبیر فرماتے ہیں کہ عبداللہ بن زبیر نے مکہ میں قیام کیا تو فرمانے لگے : اللہ نے لوگوں کے دل اور آنکھیں اندھی کردی ہیں، وہ نکاحِ متعہ میں آزمائے جاتے ہیں اور کسی مرد کو نشانہ بناتے ہیں، انھوں نے اس کو آواز دی، کہنے لگے : آپ بڑے سخت مزاج ہیں۔ یہ نکاح متعہ رسول اللہ (صلی اللہ علیہ وآلہ وسلم) کے دور میں تھا تو ابن زبیر نے کہا : اپنے اوپر تجربہ کرلو۔ اللہ کی قسم ! اگر تو نے ایسا کیا تو میں تجھے تیرے پتھروں کے ذریعے رجم کر دوں گا۔
(ب) خالد بن مہاجر بن سیف اللہ فرماتے ہیں کہ وہ ایک شخص کے پاس بیٹھے ہوئے تھے، یعنی ابن ابی عمرہ کے پاس تو ایک شخص نے آکر نکاحِ متعہ کے بارے میں سوال کیا تو ابن ابی عمرہ انصاری نے کہا : ذرا ٹھہرو۔ فرمانے لگے : یہ رسول اللہ (صلی اللہ علیہ وآلہ وسلم) کے دور میں تھا تو ابن ابی عمرہ نے کہا کہ یہ رخصت ابتدائِ اسلام میں تھی، جب انسان مردار، خون، خنزیر کے گوشت کو مجبوری کی حالت میں کھا سکتا ہے، پھر اللہ نے دین کو مکمل کردیا تو اس سے منع فرما دیا۔
(ج) ربیع بن سبرہ جہنی اپنے والد سے نقل فرماتے ہیں کہ میں نے رسول اللہ (صلی اللہ علیہ وآلہ وسلم) کے دور میں بنو عامر کی ایک عورت سے دو سرخ چادروں کے عوض نکاحِ متعہ کیا، پھر رسول اللہ (صلی اللہ علیہ وآلہ وسلم) نے نکاحِ متعہ سے منع فرما دیا۔
(د) ابن شہاب کہتے ہیں کہ میں نے ربیع بن سبرہ سے سنا، وہ حضرت عمر بن عبدالعزیز کو بیان کر رہے تھے اور میں بیٹھا ہوا تھا۔