(١٤٣١) سیدہ عائشہ (رض) فرماتی ہیں کہ رسول اللہ (صلی اللہ علیہ وآلہ وسلم) نے فرمایا : غسل پانچ چیزوں سے ہے : جنابت سے ، سینگی لگوانے سے، جمعہ کے دن ، میت کو غسل دینے سے اور حمام کے پانی سے۔ (ب) صحیح مسلم میں سیدہ عائشہ (رض) سے منقول ہے کہ نبی (صلی اللہ علیہ وآلہ وسلم) نے فرمایا : دس چیزیں فطرت کا حصہ ہیں۔۔۔ انھوں نے اس پچھلی حدیث کو بیان نہیں کیا، میرا خیال ہے کہ اس میں بعض حفاظ کی جرح کی وجہ سے چھوڑا ہے۔ اس کا شاہد سیدنا عمرو بن عاص (رض) کی حدیث ہے، لیکن انھوں نے میت کو غسل دینے کے بعد غسل کرنے کا ذکر نہیں کیا۔