(١٤٤٠) (الف) امام ابوداؤد سبحستانی (رح) فرماتے ہیں کہ میں نے امام احمد بن حنبل سے سناجب ان سے میت کو غسل دینے سے غسل کرنے کے متعلق سوال کیا گیا تو انھوں نے فرمایا : اس کو وضو کفایت کر جائے گا۔ (ب) یہ حدیثِ مصعب ضعیف ہے، اس میں بعض ایسی چیزیں ہیں جن پر عمل نہیں ہے۔ (ج) شیخ کہتے ہیں کہ امام ترمذی (رح) نے امام بخاری (رح) سے اس حدیث کے متعلق سوال کیا تو انھوں نے کہا کہ امام احمد بن حنبل اور علی بن عبداللہ فرماتے ہیں : اس باب میں کوئی چیز بھی درست نہیں۔ امام محمد فرماتے ہیں کہ حدیث عائشہ قابل حجت نہیں۔