(١٤٤٠٣) حضرت عبداللہ بن مسعود فرماتے ہیں کہ ایک عورت نبی (صلی اللہ علیہ وآلہ وسلم) کے پاس آئی اور کہا : میرے بارے میں اپنی رائے قائم کریں تو رسول اللہ (صلی اللہ علیہ وآلہ وسلم) نے اس شخص سے کہا، جس نے نکاح کے لیے کہا تھا : کیا تو نے قرآن سے کچھ پڑھا ہوا ہے ؟ اس نے کہا : سورة البقرہ اور سورة المفصل تو رسول اللہ (صلی اللہ علیہ وآلہ وسلم) نے فرمایا : میں نے تیرا نکاح اس سے کردیا، لیکن قرآن کی تعلیم دے دینا اور جب اللہ تجھے رزق دے تو اس کے عوض بھی ادا کردینا، تو اس پر اس شخص نے شادی کرلی۔