(١٤٤١٠) امام شافعی (رح) فرماتے ہیں کہ نبی (صلی اللہ علیہ وآلہ وسلم) پر میرے ماں باپ قربان ہوں، آپ (صلی اللہ علیہ وآلہ وسلم) نے بروع بنت واشق کے بارے میں فیصلہ سنایا، جب اس کا خاوند فوت ہوگیا لیکن حق مہر مقرر نہ تھا۔ رسول اللہ (صلی اللہ علیہ وآلہ وسلم) نے مہر مثل کا حکم دیا اور میراث کا فیصلہ دیا، اگر یہ نبی (صلی اللہ علیہ وآلہ وسلم) سے ثابت ہو تو یہ سب سے زیادہ بہتر ہے، وگرنہ جتنے بھی زیادہ لوگ بیان کریں اور قول نبی (صلی اللہ علیہ وآلہ وسلم) کا نہ ہو تو قابل حجت نہیں ہے، صرف اللہ کی اطاعت کی جائے گی۔
لیکن بعض حضرات معقل بن یسار یا معقل بن سنان یا اشجع سے نقل فرماتے ہیں کہ جب میاں یا بیوی فوت ہوجائے تو حق مہر اور فائدہ دینا ضروری نہیں ہوتا۔