(١٤٥٥) شیخ کہتے ہیں : سیدنا اسامہ بن زید (رض) سے روایت ہے کہ سیدنا علی بن ابی طالب (رض) رسول اللہ (صلی اللہ علیہ وآلہ وسلم) کی خدمت میں حاضر ہوئے اور ابو طالب کی موت کی خبر دی۔ آپ (صلی اللہ علیہ وآلہ وسلم) نے فرمایا : جا اسے غسل دے اور کسی کو کچھ نہ بتانا میرے پاس آجانا، میں نے اسے غسل دیا اور اس کو چھپایا، پھر میں آپ کے پاس آیا، آپ (صلی اللہ علیہ وآلہ وسلم) نے فرمایا : جا غسل کر۔ (ب) یہ روایت منکر ہے اس کی کوئی اصل نہیں۔ (ج) علی بن ابو علی لہبی ضعیف ہے اس پر امام احمد (رح) ، یحییٰ بن معین (رح) ، امام بخاری (رح) ، اور امام نسائی (رح) نے جرح کی ہے۔ سیدنا علی (رض) سے ایک دوسری سند سے منقول ہے، اس کی سند ضعیف ہے۔