(١٤٦٦٧) حضرت انس بن مالک (رض) فرماتے ہیں کہ رسول اللہ (صلی اللہ علیہ وآلہ وسلم) جب مدینہ آئے تو میری عمر دس سال کی تھی اور جب فوت ہوئے تو میں ٢٠ سال کا تھا اور میری والدہ مجھے آپ (صلی اللہ علیہ وآلہ وسلم) کی خدمت پر ابھارتی تھی۔ نبی (صلی اللہ علیہ وآلہ وسلم) جب ہمارے گھر آتے تو ہم آپ (صلی اللہ علیہ وآلہ وسلم) کے لیے بکری کا دودھ دوہ کر گھر کے کنویں سے پانی ملا دیتے۔ ابوبکر (رض) آپ (صلی اللہ علیہ وآلہ وسلم) کی بائیں جانب اور ایک دیہاتی دائیں جانب اور حضرت عمر (رض) ایک کونے میں تھے، نبی (صلی اللہ علیہ وآلہ وسلم) نے پیا تو حضرت عمر (رض) نے کہا : ابوبکر کو دے دیں تو آپ (صلی اللہ علیہ وآلہ وسلم) نے دیہاتی کو پکڑا دیا اور فرمایا : پہلے دائیں جانب پھر اس کے ساتھ والا۔