(١٤٧١٨) سلمان (رض) حضرت علی (رض) سے نقل فرماتے ہیں کہ حضرت فاطمہ (رض) نے چکی پسینے کی وجہ سے جو نشانات اس کے ہاتھ میں پڑگئے تھے اس کی شکایت کی۔ کہتے ہیں کہ وہ رسول اللہ (صلی اللہ علیہ وآلہ وسلم) کے پاس خادم مانگنے گئی تو آپ نے اس کی طرف دھیان نہ دیا۔ راوی کہتا ہے کہ حضرت فاطمہ نے اس کا تذکرہ حضرت عائشہ (رض) سے کیا، جب آپ آئے تو حضرت عائشہ (رض) نے آپ کو بتایا۔ راوی کہتے ہیں کہ آپ ہمارے پاس آئے، ہم سونے کی تیاری کر رہے تھے تو میں اٹھا۔ آپ نے فرمایا : اپنی جگہ پر رہو، پھر آپ ہمارے درمیان بیٹھ گئے تو میں نے آپ کے پاؤں کی ٹھنڈک اپنے سینے میں محسوس کی۔ آپ نے فرمایا : کیا میں تم دونوں کو وہ چیز نہ بتاؤں جو تمہارے لیے خادم سے بھی بہتر ہو۔ جب تم دونوں سونے لگو تو ٣٣ بار سبحان اللہ ٣٣ بار الحمد للہ اور ٣٤ بار اللہ اکبر پڑھ لیا کرو۔ یہ تمہارے لیے خادم سے بھی بہتر ہے۔ خالد ابن سیرین سے نقل فرماتے ہیں کہ سبحان اللہ ٣٤ مرتبہ۔