(١٤٧٣٦) ہشام بن عروہ (رض) اپنے والد سے نقل فرماتے ہیں کہ یہ آیت حضرت سودہ (رض) اور اس جیسی عورتوں کے بارے میں نازل ہوئی : { وَ اِنِ امْرَاَۃٌخَافَتْ مِنْ بَعْلِہَا نُشُوْزًا اَوْ اِعْرَاضًا } [النساء ١٢٨] کہ حضرت سودہ (رض) ایسی عورت تھی جو بوڑھی ہوگئیں اور پریشان ہوئیں کہ کہیں رسول اللہ (صلی اللہ علیہ وآلہ وسلم) مجھے جدا نہ کردیں اور وہ رسول اللہ (صلی اللہ علیہ وآلہ وسلم) کی محبت حضرت عائشہ (رض) کے بارے میں اور ان کے مرتبہ اور مقام کو جانتی تھیں تو انھوں نے اپنی باری حضرت عائشہ (رض) کے لیے ہبہ کردی تو رسول اللہ (صلی اللہ علیہ وآلہ وسلم) نے اس کو قبول کرلیا۔