(١٤٧٤٧) حضرت عائشہ (رض) فرماتی ہیں کہ رسول اللہ (صلی اللہ علیہ وآلہ وسلم) نے اپنی مرض الموت میں عورتوں کو پیغام بھیجا، وہ ساری جمع ہوئیں تو آپ نے فرمایا کہ اب میں تمام کے پاس آنے کی طاقت نہیں رکھتا۔ اگر تم مجھے عائشہ کے پاس رہنے کی اجازت دے دو تو انھوں نے اجازت دے دی۔
امام شافعی (رح) فرماتے ہیں کہ جب آپ (صلی اللہ علیہ وآلہ وسلم) سے سوال کیا گیا کہ لوگوں میں سے آپ (صلی اللہ علیہ وآلہ وسلم) کو زیادہ محبوب کون ہے فرمایا : عائشہ۔