(١٤٧٥٣) ثابت حضرت انس (رض) سے نقل فرماتے ہیں کہ میں سیدہ زینب کے ولیمہ میں حاضر ہوا۔ آپ نے لوگوں کو گوشت اور روٹی سے خوب سیر کیا۔ آپ مجھے بھیجتے، میں لوگوں کو بلا کر لاتا۔ جب آدمی فارغ ہوئے تو میں بھی آپ (صلی اللہ علیہ وآلہ وسلم) کے پیچھے چلا اور دو آدمی وہ بھی باتوں سے مانوس ہو رہے تھے۔ وہ نہ گئے تو آپ اپنی عورتوں کے پاس سے گزرے، ان میں سے جس کے پاس سے گزرتے تو اس کو سلام کہتے کہ اے گھر والو ! تم پر سلامتی ہو، تم کیسی ہو، وہ کہتیں : اے اللہ کے رسول (صلی اللہ علیہ وآلہ وسلم) ! ہم خیریت سے ہیں، آپ (صلی اللہ علیہ وآلہ وسلم) نے اپنے اہل کو کیسا پایا، جب آپ فارغ ہو کر لوٹے تو میں بھی آپ کے ساتھ پلٹتا۔ جب آپ دروازے پر پہنچے تو اچانک وہ دو آدمی جو باتوں سے مانوس ہو رہے تھے، جب انھوں نے نبی (صلی اللہ علیہ وآلہ وسلم) کو آتے دیکھا تو وہ چلے گئے۔ اللہ کی قسم ! میں نہیں جانتا کہ میں نے آپ کو خبر دی یا آپ پر وحی نازل ہوئی کہ وہ دونوں چلے گئے۔ جب میں اور آپ لوٹے تو آپ (صلی اللہ علیہ وآلہ وسلم) نے پاؤں دروازے کی دہلیز پر رکھے اور میرے اور اپنے درمیان پردہ لٹکا دیا تو یہ آیت نازل ہوئی : { لاَ تَدْخُلُوْ بُیُوْت النَّبی }