(١٤٨٥٠) حضرت ابو سعید فرماتے ہیں کہ میری بہن نے اپنے خاوند سے خلع کا ارادہ کیا تو اپنے خاوند کے ساتھ نبی (صلی اللہ علیہ وآلہ وسلم) کے پاس آئی، نبی (صلی اللہ علیہ وآلہ وسلم) کے سامنے تذکرہ کیا تو آپ (صلی اللہ علیہ وآلہ وسلم) نے فرمایا : کیا تو اس کا باغ واپس کرتی ہے کہ وہ تجھے طلاق دے دے۔ اس نے کہا : ہاں زیادہ بھی دوں گی۔ آپ نے دوسری مرتبہ پھر فرمایا : کیا تو اس کا باغ واپس کرتی ہے کہ وہ تجھے طلاق دے دے۔ اس عورت نے کہا : زیادہ بھی دوں گی۔ آپ (صلی اللہ علیہ وآلہ وسلم) نے تیسری مرتبہ فرمایا تو اس عورت نے کہا : ہاں مزید بھی دوں گی۔ اس نے باغ اور کچھ زیادہ خاوند کو دے دیا۔