(١٤٨٦٣) ابراہیم بن سعد نے حضرت عبداللہ بن عباس (رض) سے ایسی عورت کے بارے میں سوال کیا جس کو خاوند نے دو طلاقیں دے دیں۔ پھر عورت نے خاوند سے خلع کرلیا تو خاوند اس عورت سے نکاح کرسکتا ہے ؟ ابن عباس (رض) فرماتے ہیں کہ پہلی آیت میں اللہ نے طلاق کا ذکر کیا اور اس کے آخر میں اور درمیان میں خلع کا تذکرہ ہے تو خلع طلاق نہیں ہے، وہ نکاح کرسکتا ہے۔
(ب) حضرت عمرو عکرمہ سے نقل فرماتے ہیں : ہر وہ چیز جو مال کے ذریعہ حلال ہو وہ طلاق نہیں ہے۔