(١٤٨٩٦) محارب بن دثار فرماتے ہیں کہ نبی (صلی اللہ علیہ وآلہ وسلم) کے دور میں ایک شخص نے شادی کے بعد بیوی کو طلاق دے دی تو آپ (صلی اللہ علیہ وآلہ وسلم) نے اس سے پوچھا : کیا تو نے شادی کی ہے ؟ اس نے کہا : ہاں۔ آپ (صلی اللہ علیہ وآلہ وسلم) نے پوچھا : پھر کیا ہوا ؟ اس نے کہا : پھر میں نے طلاق دے دی۔ آپ (صلی اللہ علیہ وآلہ وسلم) نے پوچھا : کیا شک کی وجہ سے ؟ اس نے کہا : نہیں فرمایا : کبھی کبھی انسان ایسا کرلیتا ہے۔ اس نے پھر کسی دوسری عورت سے شادی کرنے کے بعد طلاق دے دی۔ معرف کہتے ہیں : میں نہیں جانتا کہ آپ نے اس کو دوسری یا تیسری شادی کے موقعہ پر یہ الفاظ کہے کہ حلال چیزوں میں سے سب سے زیادہ مبغوض ترین چیز اللہ کے ہاں طلاق ہے۔