(١٤٩٤٥) سعید بن جبیر حضرت عبداللہ بن عباس (رض) سے ایسے شخص کے بارے میں نقل فرماتے ہیں جس نے اپنی بیوی کو ہزار طلاقیں دے دیں، فرمانے لگے : تین طلاقوں نے تیری بیوی کو تجھ پر حرام کردیا اور باقی تیرے ذمے گناہ ہے جو تو نے اللہ کی آیات کے ساتھ مذاق کیا ہے تو یہ حدیث تین سے زیادہ طلاقیں دینے کے گناہ پر دلالت کرتی ہے۔
(ب) ٭حضرت عطاء ابن عباس (رض) سے ١٠٠ سو طلاقوں کے بارے میں نقل فرماتے ہیں کہ ٩٧ ستانوے میں تم نے اللہ کی آیات کے ساتھ مذاق کیا ہے۔
امام شافعی (رح) فرماتے ہیں کہ حضرت عبداللہ بن عباس (رض) نے تین سے زیادہ طلاقیں دینے پر عیب لگایا ہے۔