(١٤٩٥٦) نافع ابن عمر (رض) سے نقل فرماتے ہیں کہ ایک آدمی حضرت عمر (رض) کے پاس آیا، اس نے کہا : میں نے اپنی بیوی کو حالتِ حیض میں طلاقِ بتہ دے دی ہے۔ انھوں نے کہا : تو نے اپنے رب کی نافرمانی کی اور اپنی بیوی کو جدا کرلیا۔ اس شخص نے کہا : کہ رسول اللہ (صلی اللہ علیہ وآلہ وسلم) نے ابن عمر (رض) کو حکم دیا تھا جس وقت اپنی بیوی کو جدا کرلیا کہ وہ رجوع کرے تو حضرت عمر فرماتے ہیں کہ رسول اللہ (صلی اللہ علیہ وآلہ وسلم) نے ان کو رجوع کا حکم طلاق کے باقی ہونے کی وجہ سے دیا تھا تو آپ کی طلاق کوئی باقی نہیں کہ آپ اپنی بیوی کو واپس لاسکیں۔