(١٤٩٩٨) نافع بن عجیر بن عبد یزید فرماتے ہیں کہ رکانہ بن عبد یزید نے اپنی بیوی سہیمہ مزنیہ کو تین طلاقیں دے دیں، پھر اس نے رسول اللہ (صلی اللہ علیہ وآلہ وسلم) سے آکر کہا : میں نے اپنی بیوی سہیمہ کو تین طلاقیں دیں ہیں لیکن ارادہ صرف ایک طلاق کا تھا تو رسول اللہ (صلی اللہ علیہ وآلہ وسلم) نے رکانہ سے کہا : اللہ کی قسم ! کیا تو نے ایک طلاق کا ارادہ کیا تھا، رکانہ کہتے ہیں : اللہ کی قسم ! میں نے ایک طلاق کا ارادہ کیا تھا تو رسول اللہ (صلی اللہ علیہ وآلہ وسلم) نے اس کی بیوی کو واپس کردیا تو رکانہ نے دوسری طلاق حضرت عمر (رض) کے دور میں اور تیسری حضرت عثمان (رض) کے دور میں دی۔