(١٥٠٠٠) حضرت رکانہ بن عبد یزید فرماتے ہیں کہ میرے نکاح میں ایک عورت تھی جس کو سہمیہ کہا جاتا تھا میں نے اس کو تین طلاقیں دے دیں، پھر میں رسول اللہ (صلی اللہ علیہ وآلہ وسلم) کے پاس آیا۔ میں نے کہا : اے اللہ کے رسول (صلی اللہ علیہ وآلہ وسلم) ! میں نے اپنی بیوی سہمیہ کو تین طلاقیں دے دی ہیں اور اللہ کی قسم ارادہ میں نے ایک کا کیا تھا۔ آپ (صلی اللہ علیہ وآلہ وسلم) نے فرمایا : اللہ کی قسم ! تو نے ایک کا ہی ارادہ کیا تھا ؟ میں نے کہا : ہاں اللہ کی قسم ! میں نے ایک کا ارادہ کیا تھا تو آپ (صلی اللہ علیہ وآلہ وسلم) نے ایک طلاق کے بعد بیوی کو واپس کردیا۔