(١٥٠٣) زہری سے روایت ہے کہ مجھ کو حبیب نے جو عروہ بن زبیر کا غلام تھا خبر دی کہ سیدہ میمونہ (رض) نے اپنی لونڈی ندبہ کو سیدنا عبداللہ بن عباس (رض) کی طرف ایک خط دے کر بھیجا، وہ ان کے پاس پہنچی، ان کا بستر بیوی سے الگ تھا، وہ سیدہ میمونہ (رض) کی طرف واپس لوٹی، اس نے ان کا خط پہنچا دیا، پھر انھیں ساراقصہ بیان کیا، اس سے سیدہ میمونہ (رض) نے کہا : اس کی بیوی کے پاس جاؤ اور اس معاملے کے متعلق اس سے سوال کرو، وہ اس کی طرف لوٹی اس نے اس سے سوال کیا تو اس نے بتلایا جب وہ حائضہ ہوتی ہے تو عبداللہ بن عباس (رض) ان سے بسترالگ کرلیتے ہیں، میمونہ (رض) نے عبداللہ بن عباس (رض) کی طرف پیغام بھیجا اور وہ ان پر غصے ہوئیں اور کہا : کیا تو رسول اللہ (صلی اللہ علیہ وآلہ وسلم) کی سنت سے اعراض کرتا ہے، اللہ کی قسم ! بیشک نبی (صلی اللہ علیہ وآلہ وسلم) کی بیوی کپڑے سے لنگوٹ باندھتی جو نصف رانوں تک ہوتی تھی پھر آپ (صلی اللہ علیہ وآلہ وسلم) (اس کے علاوہ باقی) سارے جسم سے مباشرت کرتے۔