(١٥٠٨٢) مسروق فرماتے ہیں کہ حضرت عبداللہ کے پاس بکری لائی گئی تو لوگوں سے کہنے لگے : قریب ہوجاؤ اور کھاؤ۔ انھوں نے کھانا شروع کردیا۔ ایک شخص کونے میں تھا۔ حضرت عبداللہ نے کہا : قریب ہوجاؤ۔ اس نے کہا : میں ارادہ نہیں رکھتا۔ فرمایا : کیوں ؟ اس نے کہا : کیونکہ میں نے بکری کو اپنے اوپر حرام کیا ہوا ہے تو عبداللہ کہنے لگے : یہ شیطان کا پیروکار ہے، اللہ کا فرمان ہے : { یٰٓاَیُّہَا الَّذِیْنَ اٰمَنُوْا لَا تُحَرِّمُوْا طَیِّبٰتِ مَآ اَحَلَّ اللّٰہُ لَکُمْ وَ لَا تَعْتَدُوْا اِنَّ اللّٰہَ لَا یُحِبُّ الْمُعْتَدِیْنَ } [المائدۃ ٨٧] اے لوگو ! جو ایمان لائے ہو تم اللہ کی پاکیزہ چیزوں کو حرام نہ کرو جو اللہ نے تمہارے لیے حلال کی ہیں اور تم حد سے تجاوز نہ کرو کیونکہ اللہ رب العزت حد سے تجاوز کرنے والوں کو پسند نہیں فرماتے۔ “ قریب ہو کر کھاؤ اور اپنی قسم کا کفارہ دو ، یہ شیطان کی پیروی ہے۔