(١٥٣٧٧) عمران بن کثیر نخعی فرماتے ہیں کہ عبیداللہ بن حر نے اپنی قوم کی لونڈی سے شادی کی جس کا نام درداء تھا، اس کی شادی اس کے باپ نے کی تھی تو عبیداللہ معاویہ کے ساتھ جا ملے اور اپنی بیوی سے زیادہ دیر غائب رہے، لونڈی کا باپ فوت ہوگیا تو اس کے گھر والوں نے اپنے ایک شخص عکرمہ سے شادی کردی۔ جب عبیداللہ کو پتہ چلا تو وہ آکر جھگڑا۔ سیدنا علی (رض) کے پاس لے گئے تو سیدنا علی (رض) نے عورت کو واپس کردیا اور یہ عکرمہ سے حاملہ تھی اور اس نے وضع حمل کیا تو عورت سیدنا علی (رض) کو کہنے لگی : میں اپنے مال کی زیادہ حقدار ہوں، یا عبیداللہ بن حر ؟ فرماتے ہیں : تو اس کی زیادہ حق دار ہے، کہتی ہے : میں آپ کو گواہ بناتی ہوں کہ جو میرا حق مہر عکرمہ کے ذمے تھا وہ اس کا ہے، جب اس نے وضع حمل کردیا تو اس لونڈی کو عبیداللہ حر کی جانب ملا دیا اور بچے کو اس کے باپ کے ساتھ ملا دیا گیا۔