(١٥٤٧١) ابو سلمہ سے روایت ہے کہ میں نے ابن عباس اور ابوہریرہ (رض) نے اس آدمی کے بارے میں بحث کی جو فوت (اپنی بیوی کو چھوڑ کر) ہوجائے اور وہ اس کی وفات کے چند دن بعد وضع حمل کر دے۔ ابو سلمہ کہتے ہیں : میں نے کہا : جب اس نے وضع حمل کردیا تو وہ حلال ہوگئی اور ابن عباس نے کہا : اس کی عدت دو حیض ہے۔ وہ دونوں اس سے ایک دوسرے کی طرف پلٹے۔ ابوہریرہ (رض) نے کہا : میں اپنے بھتیجے ابو سلمہ کے ساتھ تھا، انھوں نے ابن عباس کے غلام کریب کو ام سلمہ (رض) کی طرف بھیجا۔ ام سلمہ (رض) نے کہا کہ سبیعہ اسلمیہ نے اپنے خاوند کی وفات کے چالیس راتوں بعد بچے کو جنم دیا اور بنی عبدالدار میں سے ایک آدمی جس کی کنیت ابوسنابل تھی، اس نے منگنی کا پیغام بھیجا اور اس کو خبر دی کہ وہ حلال ہوگئی ہے اور وہ ارادہ کرتی ہے کہ وہ دوسرے مرد سے نکاح کرلے۔ اس کو ابو سنابل نے کہا : تو حلال نہیں ہوئی۔ سبیعہ نے یہ معاملہ رسول اللہ (صلی اللہ علیہ وآلہ وسلم) سے ذکر کیا تو آپ نے اس کو حکم دیا کہ تو شادی کرلے۔