(١٥٦١٥) نبی (علیہ السلام) کی بیوی ام حبیبہ (رض) سے روایت ہے کہ میں نے کہا : اے اللہ کے رسول (صلی اللہ علیہ وآلہ وسلم) ! کیا آپ کے لیے ابو سفیان کی بیٹی درہ میں کوئی رغبت ہے۔ آپ نے فرمایا : میں کیا کروں ؟ فرماتی ہیں : میں نے کہا : آپ اس سے نکاح کرلیں آپ نے فرمایا : کیا تو یہ پسند کرتی ہے۔ میں نے کہا : میں آپ کے لیے علیحدہ ہونے والی نہیں اور میں پسند کرتی ہوں کہ جو مجھے ملے اس میں میری بہن بھی شریک ہو۔ آپ نے فرمایا : وہ میرے لیے حلال نہیں ہے۔ میں نے کہا : مجھے تو یہ بات پہنچی ہے کہ آپ نے زینب بنت ام سلمہ کو نکاح کا پیغام بھیجا ہے۔ آپ نے فرمایا : ام سلمہ کی بیٹی ؟ میں نے عرض کیا : جی ہاں، آپ نے فرمایا : اللہ کی قسم اگر وہ میری پرورش میں نہ ہوتی تو میرے لیے حلال ہوتی، لیکن اب وہ میرے لیے حلال نہیں ہے۔ مجھے اور اس کے باپ کو ثویبہ نے دودھ پلایا ہے۔ تم اپنی بیٹیوں اور بہنوں کو مجھ پر پیش نہ کیا کرو۔ اس کو بخاری نے صحیح میں حمیدی سے روایت کیا ہے اور اس کو مسلم نے ایک دوسری سند عن ہشام سے نکالا ہے انھوں نے کہا کہ اس میں ہشام سے روایت ہے۔ ذرہ بنت ابی سلمہ کے الفاظ ہیں ” اور اسی طرح اس کو زہری نے عروہ سے بیان کیا ہے اور کہا : آپ میری بہن عزہ سے نکاح کرلیں اور بعض نے زہری سے کہا : مجھے اور ابو سلمہ کو ثویبہ لونڈی نے دودھ پلایا ہے۔