(١٥٦٤٣) ہمیں شعبہ نے عمرو بن دینار سے حدیث بیان کی اس (یعنی عمرو بن دینار) نے ایک شخص کو سنا اس نے ابن عمر (رض) کو کہا : امیر المؤمنین ابن زبیر (رض) کہتے ہیں ! ایک اور دو رضاعتیں حرمت کو ثابت نہیں کرتیں۔ ابن عمر (رض) نے فرمایا : اللہ کی کتاب امیرالمؤمنین سے زیادہ سچی ہے : { حُرِّمَتْ عَلَیْکُمْ اُمَّھٰتُکُمْ وَ بَنٰتُکُمْ وَ اَخَوٰتُکُمْ } انھوں نے تلاوت کی یہاں تک کہ اس کو یہاں تک پہنچایا : { وَ اُمَّھٰتُکُمُ الّٰتِیْٓ اَرْضَعْنَکُمْ وَ اَخَوٰتُکُمْ مِّنَ الرَّضَاعَۃِ } [النساء ٢٣] ” حرام کی گئی ہے تم پر تمہاری مائیں تمہاری بیٹیاں تمہاری بہنیں اور تمہاری وہ مائیں جنہوں نے تم کو دودھ پلایا ہے اور تمہاری رضاعی بہنیں۔ “