(١٥٧٣) (الف) سیدنا عروہ بن زبیر (رض) فرماتے ہیں کہ مجھ کو فاطمہ بنت حبیش (رض) نے بتلایا کہ انھوں نے اسماء کو حکم دیا، یا اسماء نے ہی مجھے بتلایا کہ کی فاطمہ بنت أبی حبیش (رض) نے انھیں حکم دیا کہ وہ رسول اللہ (صلی اللہ علیہ وآلہ وسلم) سے اس کے متعلق سوال کرے۔ آپ (صلی اللہ علیہ وآلہ وسلم) نے انھیں حکم دیا : ان دنوں بیٹھی رہے جن دنوں بیٹھا کرتی تھی (یعنی اپنے حیض کے ایام میں) پھر غسل کرے۔
(ب) زہری عن عروۃ عن اسماء (رض) سے فاطمہ بنت ابی حبیش کے بارے میں منقول ہے۔ انھوں نے ان کی غسل کی کیفیت کا واقعہ بیان کیا ، اس میں ہے کہ جب وہ پانی پر زردی دیکھے۔
(ج) عروہ سے سیدہ فاطمہ (رض) کے متعلق منقول ہے، انھوں نے ان کے استحاضہ کا ذکر کیا، نبی (صلی اللہ علیہ وآلہ وسلم) نے انھیں نماز سے رکنے کا حکم دیا جب وہ سیاہ خون دیکھے۔
(د) ہشام بن عروہ عن ابیہ عن عائشۃ والی روایت اس بات پر دال ہے کہ فاطمہ بنت حبیش دو خونوں کے درمیان تمیز کرنے والی تھیں۔ سہیل کی روایت محل نظر ہے۔