(١٥٧٤٦) سفیان بن عبدالملک فرماتے ہیں : میں نے عبداللہ بن مبارک سے عائشہ (رض) کی حدیث ” وہ اور ان کے مال تمہارے ہیں جب تم ان کی طرف محتاج ہو “ کے متعلق پوچھاتو انھوں نے فرمایا : مجھییہ حدیث سفیان نے حماد عن ابراہیم عن اسود عن عائشہ (رض) کی سند سے بیان کی سفیان نے کہا : یہ حماد کا وہم ہے۔ عبداللہ کہتے ہیں : میں نے سفیان سے اس حدیث کے بارے میں سوال کیا۔ کہ انھوں نے یاد نہیں کیا۔ عبداللہ کہتے ہیں : اس کی حدیث عمارہ بن عمیر سے ہے۔ اس میں اسود نہیں ہے اور اس میں یہ الفاظ بھی نہیں ہیں کہ جب تم محتاج ہو۔
امام بیہقی (رح) فرماتے ہیں : اعمش سے روایت کیا گیا، وہ ابراہیم سے اور وہ اسود سے اور وہ عائشہ (رض) سے اس لفظ کے علاوہ بیان فرماتے ہیں۔ یہ ان اسناد کے ساتھ محفوظ نہیں ہے۔