(١٥٧٦٥) قاسم بن محمد فرماتے ہیں کہ حضرت عمر کے نکاح میں ایک انصاری عورت تھی اور اس سے عاصم بن عمر پیدا ہوئے تھے حضرت عمر نے اسے طلاق دے دی تھی۔ حضرت عمر ایک دن سواری پر قباء گئے تو عاصم کو مسجد کے صحن میں کھیلتے دیکھا تو بازو سے پکڑ کر سواری پر بیٹھا لیا اور چل پڑے۔ بچے کی نانی نے دیکھ لیا اور بچہ حضرت عمر سے لے لیا۔ وہ دونوں ابوبکر (رض) کے پاس آئے حضرت عمر کہنے لگے : میرا بیٹا ہے۔ عورت کہنے لگی : میرا بیٹا ہے تو ابوبکر (رض) فرمانے لگے : اے عمر ان کا راستہ چھوڑ دے تو عمر (رض) نے کوئی بات نہ کی۔