(١٥٧٦٨) براء فرماتے ہیں کہ رسول اللہ (صلی اللہ علیہ وآلہ وسلم) نے ذی القعدہ میں عمرہ کا ارادہ کیا۔ اہل مکہ نے انکار کردیا کہ جب تک کوئی معاہدہ نہ ہوجائے مسلمان مکہ میں داخل نہیں ہوسکتے۔ معاہدہ یہ ہوگا کہ مسلمان تین دن سے زیادہ نہیں رکیں گے۔ جب معاہدہ لکھا گیا تو کاتب نے لکھا یہ معاہدہ محمد رسول اللہ (صلی اللہ علیہ وآلہ وسلم) نے طے کردہ ہے مشرکین کہنے لگے : اگر ہم آپ کو رسول اللہ (صلی اللہ علیہ وآلہ وسلم) مان لیں تو جھگڑا کس بات کا۔ آپ رسول اللہ نہیں محمد بن عبداللہ ہیں تو آپ (صلی اللہ علیہ وآلہ وسلم) نے فرمایا : میں رسول اللہ بھی ہوں اور ابن عبداللہ بھی ہوں اور فرمایا : اے علی ! رسول اللہ لفظ مٹا دے۔ حضرت علی کہنے لگے : اللہ کی قسم ! میں تو ہرگز نہیں مٹاؤں گا۔ آپ نے خط پکڑا اور اس پر یہ لکھ دیا کہ یہ محمد بن عبداللہ کی طرف سے عہد نامہ ہے کہ وہ مکہ میں اسلحہ لے کر داخل نہیں ہوں گے، صرف تلوار ہوگی وہ بھی میان میں اور اہل مکہ سے کوئی مسلمانوں کے ساتھ نہیں جائے گا اور اگر کوئی مسلمان اہل مکہ سے ملنا چاہتا ہے مسلمانوں کو چھوڑ کر تو اسے روکا نہیں جائے گا۔ جب مسلمان مکہ میں داخل ہوگئے مدت پوری ہوگئی تو اہل مکہ حضرت علی (رض) کے پاس آئے اور کہنے لگے : اپنے صاحب کو کہیں اب چلے جائیں تو رسول اللہ (صلی اللہ علیہ وآلہ وسلم) مکہ سے نکل پڑے تو حضرت حمزہ کی بیٹی آپ کے پیچھے چل پڑی اور چیخنے لگی : اے چچا جان ! اے چچا جان ! حضرت علی نے اسے پکڑ لیا اور حضرت فاطمہ کو دے دیا تو حضرت علی، زید اور جعفر کا اختلاف ہوگیا۔ حضرت علی کہنے لگے : اسے میں نے پکڑا تھا اور یہ میرے چچا کی بیٹی ہے۔ حضرت جعفر کہنے لگے : میرے بھی چچا کی بیٹی ہے اور اس کی خالہ میرے نکاح میں ہے۔ زید کہنے لگے : میرے بھائی کی بچی ہے تو رسول اللہ (صلی اللہ علیہ وآلہ وسلم) نے خالہ کے حق میں فیصلہ فرمایا اور فرمایا : خالہ ماں کے قائم مقام ہوتی ہے اور حضرت علی کے لیے فرمایا : تو تخلیق اور اخلاق کے لحاظ سے مجھ سے مشابہ ہے اور حضرت زید کو فرمایا : اے زید ! تو ہمارا بھائی اور مولا ہے۔
امام بخاری نے اپنی صحیح میں عبیداللہ بن موسیٰ سے بیان کیا۔
اسی طرح عبید اللہ بن موسیٰ نے اسرائیل سے مدرجاً روایت کیا ہے۔