(١٥٧٩٤) ابو مسعود فرماتے ہیں : میں اپنے غلام کو کوڑے سے مار رہا تھا تو میں نے اپنے پیچھے سے آواز سنی ” ابو مسعود جان لے “ غصے کی وجہ سے میں نے آواز نہ پہچانی۔ پھر یہی آواز آئی۔ جب قریب آئے تو دیکھا نبی (صلی اللہ علیہ وآلہ وسلم) تھے اور فرما رہے تھے : اے ابو مسعود اللہ تجھ پر اس سے بھی زیادہ قدرت رکھتا ہے جتنی تو اپنے غلام پر۔ فرماتے ہیں : میں نے کوڑا ہاتھ سے پھینک دیا اور کہا : آج کے بعد میں کبھی اپنے غلام کو نہیں ماروں گا۔