(١٥٨٠٥) حصین بن عبدالرحمن سلمی فرماتے ہیں : میں نے ہلال بن یساف سے سنا، وہ کہتے ہیں کہ ہم دار سوید بن مقرن (رض) میں کپڑے کا کام کیا کرتے تھے ایک لونڈی آئی اس نے کسی شخص کو کچھ کہا تو اس نے اس کے چہرے پر تھپڑ مار دیا تو سوید بن مقرن فرمانے لگے : کیا تو نے اس چہرے پر تھپڑ مارا ہے ؟ ہم سات بھائی تھے، ہمارا غلام ایک تھا، ایک بھائی نے اسے تھپڑ مار دیا تھا تو آپ (صلی اللہ علیہ وآلہ وسلم) نے ساتوں کو حکم دیا کہ اسے آزاد کر دو ۔