(١٥٨٢٣) عبداللہ فرماتے ہیں کہ ایک شخص آپ (صلی اللہ علیہ وآلہ وسلم) کے پاس آیا اور کبیرہ گناہوں کے بارے میں سوال کیا تو آپ نے جواب دیا : ” اللہ کے ساتھ شرک کرنا حالانکہ وہ تیرا خالق ہے۔ “ پوچھا : پھر کون سا ؟ فرمایا : ” غربت کے خوف سے اپنی اولاد کو قتل کرنا۔ “ پوچھا : پھر کون سا ؟ فرمایا : ” ہمسائے کی بیوی سے زنا کرنا اور اللہ نے بھی ان گناہوں کے کبیرہ ہونے کی تصدیق فرمائی ہے۔ “ پھر آپ نے یہ آیت پڑھی : { وَالَّذِیْنَ لاَ یَدْعُوْنَ مَعَ اللّٰہِ اِلٰہًا آخَرَ وَلاَ یَقْتُلُوْنَ النَّفْسَ الَّتِیْ حَرَّمَ اللّٰہُ اِلَّا بِالْحَقِّ وَلاَ یَزْنُوْنَ وَمَنْ یفْعَلْ ذٰلِکَ یَلْقَ اَثَامًا ۔ } [الفرقان ٦٨]
امام شافعی فرماتے ہیں : اللہ تعالیٰ کا فرمان ہے : { مَنْ قَتَلَ نَفْسًا بِغَیْرِ نَفْسٍ اَوْ فَسَادٍ فِی الْاَرْضِ فَکَاَنَّمَا قَتَلَ النَّاسَ جَمِیْعًا } [المائدۃ ٣٢] اور { وَاتْلُ عَلَیْھِمْ نَبَاَابْنَیْ۔۔۔الی قولہ مِنَ الْخٰسِرِیْنَ ۔ } [المائدۃ ٢٨ تا ٣٠]