(١٥٩٣٤) ابی الجنوب اسدی فرماتے ہیں کہ حضرت علی (رض) کے پاس ایک مسلمان آدمی لایا گیا جس نے ایک ذمی کو قتل کردیا تھا۔ آپ نے اسے قتل کرنے کا حکم دے دیا تھا کہ اس کا بھائی آگیا اور کہنے لگا : میں نے اسے خون معاف کیا تو حضرت علی نے پوچھا : تمہیں اس پر مجبور تو نہیں کیا گیا، وہ کہنے لگا : نہیں۔ اس کو قتل کرنے سے میرا بھائی تو لوٹ کر نہیں آسکتا۔ انھوں نے مجھے دیت دے دی، میں راضی ہوگیا تو حضرت علی نے فرمایا : آپ جانتے ہیں کہ جو ہمارے ذمہ ہے اس کا خون اور دیت ہماری طرح ہے۔