(١٥٩٦٤) عبداللہ بن عمرو بن عاص (رض) فرماتے ہیں کہ میں نے بنو مدلج کے ایک شخص کو لونڈی دی، اس سے اس کا بیٹا بھی پیدا ہوا جب وہ بیٹا جوان ہوگیا تو اس شخص نے اسے کہا کہ فلاں فلاں میرا کام کرو، اس نے انکار کیا تو اس شخص نے غصے میں تلوار اسے پھینک کر ماری، جس سے وہ زخمی ہوگیا اور پھر اس زخم سے وہ مرگیا۔ اس کی قوم کے لوگ حضرت عمر کے پاس آئے اور سارا واقعہ سنایا تو حضرت عمر نے فرمایا : او اللہ کے دشمن ! تو نے اپنے بیٹے کو قتل کیا ہے۔ اگر میں نے نبی (صلی اللہ علیہ وآلہ وسلم) کا یہ فرمان نہ سنا ہوتا کہ باپ کو بیٹے کے بدلے قتل نہیں کیا جائے گا تو میں تجھے قتل کردیتا۔ لاؤ دیت دو تو وہ ١٢٠ یا ١٣٠ اونٹ لایا۔ حضرت عمر نے ان سے ١٠٠ اونٹ لے کر اس کے ورثاء کو دے دیے اور باپ کو کچھ نہ دیا۔
اور حضرت عمر (رض) یہ بھی فرماتے ہیں کہ نبی (صلی اللہ علیہ وآلہ وسلم) کا یہ فیصلہ تھا کہ بیٹے کو تو باپ کے بدلہ میں قتل کیا جائے گا باپ کو نہیں۔