(١٥٩٦٩) ابن عباس (رض) سے منقول ہے کہ اللہ تعالیٰ کا فرمان ہے : ” آزاد کے بدلے آزاد، غلام کے بدلے غلام۔ مونث کے بدلے مونث “ کو قتل کیا جائے گا [البقرۃ ١٧٨] فرماتے ہیں کہ عورت کے بدلے مرد قتل نہیں کیا جاتا تھا بلکہ مرد کے بدلے مرد اور عورت کے بدلے عورت قتل کردی جاتی تھی۔ اللہ تعالیٰ نے یہ آیت نازل فرما دی : { اَلنَّفْسُ باِلنَّفْسِ } [المائدۃ ٧٥] ” جان کے بدلے جان ہے تو آزاد قصاص میں مرد و عورت برابر ٹھہرے اور غلام مرد اور عورت برابر ٹھہرے کہ جان کے بدلے جان ہی ہے۔