(١٦٠٠٨) جابر بن عبداللہ فرماتے ہیں کہ ایک خیبر کی یہودیہ نے زہر میں بجھا ہوا گوشت آپ کو ہدیہ کیا۔ آپ (صلی اللہ علیہ وآلہ وسلم) نے اس سے دستی والا گوشت لیا اور کھالیا اور آپ کے ساتھ ایک جماعت نے بھی کھایا۔ آپ (صلی اللہ علیہ وآلہ وسلم) نے فوراً فرمایا، اپنے ہاتھ روک لو۔ آپ نے اس یہودیہ کو بلا لیا اور پوچھا : کیا تم نے اس میں زہر ملایا ہے ؟ عورت کہنے لگی : آپ کو کس نے بتایا ہے ؟ تو آپ (صلی اللہ علیہ وآلہ وسلم) نے فرمایا : مجھے اس دستی نے بتایا ہے۔ کہنے لگی : جی ملایا ہے۔ پوچھا : کیوں ؟ کہنے لگی کہ اگر آپ واقعی نبی ہیں تو آپ کو کچھ نہیں ہوگا اور اگر نبی نہیں ہیں تو ہم آپ سے سکون میں آجائیں گے۔ آپ نے اسے معاف کردیا اور اس گوشت کی وجہ سے کچھ صحابہ فوت بھی ہوگئے تھے۔ آپ (صلی اللہ علیہ وآلہ وسلم) نے بھی اس زہر کا اثر زائل کرنے کے لیے انپے کندھوں کے درمیان میں سینگیلگوائی۔