(١٦٣٢٨) سلیمان بن یسار کہتے ہیں کہ حضرت زید بن ثابت (رض) نے اس آنکھ کو جو پھوڑ دی گئی تھی کے بارہ میں ١٠٠ دینار دیت کا فیصلہ فرمایا۔
امام مالک فرماتے ہیں کہ یہ اجتہادی چیز ہے کوئی مقرر نہیں اور حضرت زید نے آنکھ کی دیت کے خمس کا اجتہاد کیا ہے۔
شیخ فرماتے ہیں کہ قول عمر (رض) میں بھی قول زید والا احتمال ہے اور مسروق سے بھی منقول ہے کہ پھوٹی ہوئی آنکھ، شل ہاتھ اور گونگی زبان میں یہی حکم ہے۔
اور ابراہیم نخعی کہتے ہیں کہ آنکھ پھوٹ جائے اور شل ہاتھ اور گونگی زبان میں حاکم عدل سے فیصلہ کرے۔