(١٦٤١٤) مغیرہ بن شعبہ فرماتے ہیں کہ ایک عورت نے دوسری کو خیمے کی میخ سے مارا اور اسے قتل کردیا اور حمل ضائع کردیا تو آپ (صلی اللہ علیہ وآلہ وسلم) نے اس کی دیت عورت کے عصبہ پر اور بچے کے بدلے ایک غلام یا لونڈی کا فیصلہ فرمایا تو ایک شخص قاتلہ عورت کے عصبہ سے کہنے لگا : جو نہ چیخا نہ چلایا نہ کھایا نہ پیا اس کی دیت کیسے ؟ تو آپ نے فرمایا : یہ اس طرح سجع عبارت بنا رہا ہے جیسے دیہاتی شعراء اور ان پر دیت برقرار رکھی۔