(١٦٤١٩) حضرت عبداللہ بن بریدہ اپنے والد سے روایت کرتے ہیں کہ ایک عورت نے پتھر مار کر دوسری کا حمل ساقط کردیا تو نبی (صلی اللہ علیہ وآلہ وسلم) نے بچے کے بدلے ٥٠٠ بکریوں کا فیصلہ سنایا اور آئندہ پتھر مارنے سے اس دن منع کردیا۔
ابو داؤد میں بھی ٥٠٠ کا ذکر ہے لیکن صحیح ١٠٠ بکریاں ہیں۔ شیخ فقیہ (رح) فرماتے ہیں کہ اس قصہ کے بارے میں ابوملیح (رض) کی بھی نبی (صلی اللہ علیہ وآلہ وسلم) سے ایک روایت ہے کہ آپ نے جنین کے بارے میں غلام یا لونڈی یا ١٠٠ بکریوں کے جرمانے کا فیصلہ سنایا۔ یہ مرسل ہے اور ابو ملیح (رض) کی ضعیف سند سے بھی ایک روایت ہے کہ آپ نے غلام یا لونڈی یا ١٢٠ بکریوں کے جرمانے کا فیصلہ سنایا۔