(١٦٥٠) سیدنا عکرمہ سے روایت ہے کہ سیدہ ام حبیبہ بنت جحش (رض) مستحاضہ ہوگئیں، انھوں نے نبی (صلی اللہ علیہ وآلہ وسلم) سے سوال کیا تو آپ (صلی اللہ علیہ وآلہ وسلم) نے انھیں حکم دیا کہ اپنے حیض کے دنوں میں انتظار کرے، پھر غسل کرے اور نماز پڑھے، اگر اس کے بعد کوئی چیز دیکھے تو وضو کرے اور لنگوٹ باندھے ، تنہائی اختیار کرے اور نماز پڑھے۔ (ب) یہ روایت منقطع ہے اور سیدہ عائشہ (رض) کی حدیث کے قریب ہے جو باب الغسل میں ہے اور سیدہ عائشہ (رض) کی حدیث سند سے ثابت ہے۔ اولیٰ ہے کہ وہ صحیح ہو۔ ابو سلمہ بن عبدالرحمن کی روایت میں ہے کہ وہ ایک غسل کرتی تھیں، پھر وضو کرتیں اور یہ نبی (صلی اللہ علیہ وآلہ وسلم) کی روایت کے مخالف نہیں ہے۔